ССМ: минималната синдикална кошница зголемена за 630 денари

Вредноста на синдикалната минимална кошница, што ја мери Сојузот на синдикати на Македонија за месец јули 2025-та, изнесува 65.328 денари, или, споредено со синдикалната кошница за јуни, е зголемена за 630 денари.

Од оваа сума, според пресметките на ССМ, 515 денари одат за храна и пијалоци. Од синдикатот додаваат дека, според нивните податоци, евидентно е дека, откако завршиле активните владини мерки, вредноста на синдикалната минимална кошница пораснала во изминатите три месеци.