Министерот за правда Јетон Шасивари имал средба со заменик-министерот за правда на Босна и Херцеговина, Елвир Махмузиќ, на маргините на Меѓународниот самит за правда во Истанбул.
Министертството за правда информира дека разговарале за реформските процеси во правосудството, заедничките предизвици со кои се соочуваат земјите од регионот, како и за можностите за продлабочување на билатералната соработка.
-Соговорниците ја истакнаа важноста на меѓусебното учење и размената на искуства како значаен придонес кон зајакнувањето на институционалните капацитети и усогласувањето со европските стандарди во областа на правдата, се наведува во соопштението.
