Градоначалникот на Дебар Фисник Меља, по повод празникот Курбан Бајрам, во својот кабинет оствари средба со градоначалниците на Општина Центар Жупа, Аријан Ибраим, и на Општина Маврово и Ростуше, Онер Јакупоски.
-За време средбата, покрај меѓусебните честитки по повод овој голем празник, ја искористивме можноста да разговараме и за регионални прашања и теми од заеднички интерес кои ги засегаат трите наши општини, информираше Меља.
Посебен акцент е ставен на меѓуопштинската соработка и унапредувањето на добрососедските односи.
Оценува дека средбата поминала во духот на меѓусебно разбирање, почит и подготвеност за понатамошна соработка во интерес на граѓаните на трите општини.
Од заедничката средба уште еднаш, до жителите од овој регион, упатена е честитка по повод празникот, со желби за здравје, благосостојба и меѓусебна почит и општ напредок.
