Со новиот закон за природа, кој е во фаза на носење и се наоѓа на ЕНЕР, ќе се стави ред во националните паркови, ќе се воспостави систем на заштита на животната средина и ќе се заштити екосистемот, велат од Министерството за животна средина. Националните паркови ќе станат позаштитени подрачја, ќе наплаќаат услуги согласно тарифник, а не како досега паушално.
Отсега, корисници на услуги, угостителски објекти, планинарите и велосипедистите ќе знаат колку треба да платат за користење на ресурси во националните паркови. За прв пат, ренџерите ќе добијат поголеми надлежности, да легитимираат и да пишуваат казни, а не како досега само да пријавуваат посетители кои ги нарушуваат правилата во дивината.
