Спортскиот свет беше изненаден кога се дозна дека норвешкиот тим во скијачки скокови извршил измама на неодамна завршеното Светско првенство во Трондхајм.
Во конкуренцијата на големата скокалница, Мариус Линвдик и Јохан Андре Форфанг беа дисквалификувани поради неправилности со нивните комбинезони. Ова предизвика сомнежи и кај остатокот од норвешкиот тим, а тренерот Магнус Бервиг призна дека извршиле измама, што шокираше многумина.
„Тоа беше погрешно од наша страна, признавам дека направивме измама во подготовката на комбинезонот за скок“, изјави Бервиг.
По ова признание, Норвешка веднаш ги дисквалификува Бервиг и неговиот помошник Андреас Ливелтен, кои сега се соочуваат со голема парична казна.
Норвешката репрезентација до крајот на сезоната ќе биде предводена од словенечкиот селектор Бине Норчиќ, кој претходно работел со овој тим во скијачки скокови, и така ќе го преземе „жешкиот компир“ во свои раце.
Меѓународната федерација за скијање (ФИС) веднаш започна целосна истрага, а другите норвешки натпреварувачи од Светското првенство исто така ќе бидат предмет на анализа и можеби ќе се соочат со закана за одземање на медалите.
