На граничниот премин Дојран запленети се 5.050 штекови цигари и електронски цигари. Приведен е 56-годишен српски државјанин кој го управувал товарното возило во кое биле шверцувани цигарите.
При граничната контрола утврдено е дека е фалсификуван VIN-бројот на полуприколката во сообраќајната дозвола, а при преглед на полуприколката, со помош на специјален уред – ендоскоп, пронајден е скриен бункер во кој се откриени вкупно 5.050 штекови, од кои 800 штекови цигари и 4.250 штекови електронски цигари.
Против него ќе бидат поднесени кривични пријави за „фалсификување исправа“ и „криумчарење“ акцизна стока.
