Шест луѓе, од кои три деца, загинаа во пад на хеликоптер во реката Хадсон во Њујорк. Градоначалникот на Њујорк, Ерик Адамс, објави дека хеликоптерот превезувал петчлено шпанско семејство кое било во туристичка обиколка, додека шестиот загинат е пилотот.
Иако полицијата не ги кажа имињата на загинатите шпански туристи, американските медиуми објавија дека станува збор за извршниот директор на шпанската подружница на „Сименс“, неговата сопруга и нивните три деца.
Хеликоптерот полетал од полигон во центарот на Њујорк и паднал по само 18 минути лет.
Шефот на Њујоршките пожарникари изјави дека спасувачите веднаш биле испратени на местото на падот.
„Сите жртви на несреќата се извлечени од реката, при што двајца патници починале во болница“, кажа градоначалникот Адамс.
