На денешната средба на министерот за правда Јетон Шасивари со амбасадорот на Република Италија, Паоло Палминтери, се разговаравше за клучните активности од реформската агенда во правосудството, како и за понатамошно продлабочување на соработката меѓу двете земји, се нагласува во денешното соопштение на Министерството за правда.
– Италија е значаен партнер во процесот на европска интеграција и континуирано дава поддршка за реформите насочени кон посилно владеење на правото, поефикасно правосудство и одлучна борба против корупцијата – се истакнува во соопштението.
Се додава дека преку размена на искуства и заеднички иницијативи, ќе се продолжи да се гради современ и ефикасен правосуден систем во интерес на граѓаните.
