Јавното обвинителство ќе ги повика на сослушување семејствата на загинатите во трагедијата во дискотеката Пулс во Кочани. Преку исказите дадени пред јавен обвинител тие ќе можат да си ги остварат своите права како оштетени и да се приклучат кон кривичниот прогон. Исто така, ќе можат и директно да се информираат за текот и фазата во која се наоѓа постапката, но и да кажат свои сознанија за настанот.
За таа цел во следните 2 дена, во соработка со волонтерите од Поддршка за Кочани, Обвинителството ќе ги контактира најблиските на починатите за да се утврди точно време и место во кое ќе можат да си го остварат ова свое право.
Сослушувањата ќе се вршат во периодот 27. мај (вторник) до 29.05 (четврток) во просториите на Јавното обвинителство во договор со оштетените.
