Во меѓувреме, поранешниот сопартиец на Таравари, Зијадин Села повика двете партии да се обединат за да се направи притисок, заедно со локалните, да се одржат предвремени парламентарни избори. Но услов за тоа е Таравари да си поднесе оставка.
„Да ја напуштат владата и нека дојдат да се обединиме за да направиме доволен притисок. Да одиме и на предвремени парламентарни избори, заедно со локалните“, изјави Села.
На прашањето зошто треба да се обединат албанските политички партии, тој одговори: „За да постигнеме влада која нема да се соочи со политички субјекти што се избрани според желбата на овој или оној политички камп, туку ќе бидат таму за да реализираат 6, 7, 8 работи кои се во интерес на Албанците. Имаме неколку приоритети кои се веќе дефинирани во политичките програми, а сега ни се додадоа уште. Треба да се договараме, да, и за начинот на кој ќе се владее. Дали во иднина владата ќе се формира со Бадинтер“, рече Села.
