Советот на јавните обвинители на Македонија денеска ќе ја одржи триесет и седмата седница, на која, како што е наведено во донесената одлука, на дневен ред предвидени се повеќе точки, меѓу кои и записникот на Комисијата по постапката за обезбедување и гарантирање на самостојноста на јавните обвинители, поднесена од јавниот обвинител Ленче Ристовска.
Советот ќе одлучува и по два дисциплински предмети, а се очекува да се донесат и одлуки за објавување огласи за избор на јавни обвинители во Основните јавни обвинителства во Ресен, Крива Паланка и Кочани.
