Синоќа се одржа седница на централниот одбор на СДСМ на која се дискутираше за повеќе теми поврзани со актуелната политичко-економска ситуација во земјата, беа донесени неколку заклучоци но и одлуки за подготовките на партијата за претстојните локални избори.
Од денеска започнува постапката за утврдување на кандидатите на СДСМ за советници и градоначалници на претстојните локални избори, одлучил централниот одбор и го усвоил правилникот и роковникот за постапката, начинот и критериумите за утврдување на кандидатите на СДСМ.
Преку отворена, инклузивна, транспарентна и демократска внатрепартиска постапка, СДСН заедно со своето членство ќе ги избере најдобрите кандидати за локалните избори. Целта е СДСМ да биде претставена од способни и кредибилни личности, кои уживаат доверба и во својата околина, и меѓу сопартијците, но и од граѓаните кои живеат во општините, се наведува во соопштението.
Централниот одбор го овластил претседателот на партијата, Венко Филипче, да оствари разговори со постојните коалициски партнери на СДСМ, како и со потенцијални нови коалициски сојузници за настап на локалните избори. Било оценето дека непосредно пред локалните избори, институциите под контрола на власта, координирано вршат притисок врз градоначалниците од редовите СДСМ.
