На само три месеци до локалните избори, опозициската СДСМ не само што не соопштува, туку дури има мака да избере личност која би требало да се соочи со популарниот кандидат на ВМРО-ДПМНЕ, Орце Ѓорѓиевски за престижната и моќна функција градоначалник на Скопје. Неофицијално, во моментов имаат проблем да убедат било кого да се нафати да трча во нивно име, имајќи предвид нискиот рејтинг на СДСМ. Досега во јавностам, само неофицијлано се свртеа две имиња како можни кандидати. Станува збор за архитектот Мишко Ралев и поранешната министерка за животна средина Каја Шукова. Од СДСМ велат дека се уште им траат анализите и дека до крајот на месецот ќе го соопштат кандидатот.
„До крајот на месецот ќе го соопштиме кандидатот за градоначалник на Град Скопје. Во тек е постапката за избор на кандидат“, велат од СДСМ.
Додека СДСМ се двоуми, Орце Ѓоргиевски, кој најави дека ќе го спасува градот од пропаста на актуелната градоначалничка Данела Арсовска веќе излезе со план за градскиот превоз, депонијата Вардариште, кејот на Вардар и булеварите. За него, Скопје е град којшто има потенцијал и мора самиот да се одржува. Почнувајќи од редовно сервисирање на старите автобуси и сите возила и капацитети во јавните претпријатија,одржување на булеварите и улиците, изградба на велосипедски аптеки и продолжување на кејот којшто преку него може со велосипед да се стигне од едниот крај на градот до другиот. Првата работа за која Ѓоргиевски ќе се фати за работа ако стане татко на градот е деценискиот проблем со депонијата Вардариште.
Последниве четири години, Скопје е целосно уништено под диригентската палка на Арсовска. Скопјани со нетрпение ги чекаат изборите за да конечно изберат нов градоначалник кој би ја подобрил состојбата во градот. На последните избори, актуелната градоначалничка ветуваше многу, но ништо не направи. И по четири години, Скопје не доби нови општински паркови, нема бесплатен градски превоз, а ниту Луна парк. Напротив, последниве денови елитната населба Водно е со привремен доток на вода.
