Реклама

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

УГД ги суспендираше двајцата вработени осомничени за манипулации со студентските досиеја

АХВ прифати дел од барањата на ветеринарите

Фабриката „АСП – ПАК“ отвори нов погон во Охрид со целосно роботизирана производна линија.

Ќе и се суди во отсуство: Кочанскиот суд одби да прави циркуз од судењето на „медиумската ѕвезда“ Ива Михаилова

Инфлацијата во рамки на проекциите, во октомври 3,3%

Бензините поевтинуваат за 7 денари, дизелот за 5,5 денари за литар

Македонија

Саем за пракса и вработување на Машинскиот факултет: 18 компании во потрага по млади инженери

На Машинскиот факултет во Скопје денеска и утре се одржува традиционалниот Саем…

Сподели:
Фото: Алфа Вести

На Машинскиот факултет во Скопје денеска и утре се одржува традиционалниот Саем за пракса и вработување „Тech-mech 2026“, кој собра 18 водечки компании во земјава и голем број студенти од целиот инженерски кампус.

Главната цел на настанот е поврзување на студентите со бизнис-секторот, овозможувајќи им полесен пристап до практична настава, изработка на семинарски и дипломски работи, како и директно вработување во домашни компании.

Раководителот на Кариерниот центар при Машинскиот факултет, Радмил Поленаковиќ, истакна дека саемот ги поврзува студентите од целиот Инженерски кампус со компаниите кои имаат потреба од инженерски кадар.

Реклама

-Целта на овој саем е да ги поврземе сите студенти од инженерскиот кампус со присутните компании. Интересот за вработување на инженери е исклучително голем, а со ваквите настани сакаме да им овозможиме на студентите својата пракса и идно вработување да ги реализираат во домашни услови, а не да ни заминуваат во странство – порача професорот Поленаковиќ.

Студентите ја поздравија организацијата на саемот, истакнувајќи ја важноста на практичното искуство уште за време на студиите. Студентката Ана Шопова оцени дека ваквите настани им помагаат на младите полесно да го пронајдат својот професионален пат.

Навистина ни е потребно компаниите да дојдат тука, да ни се претстават и да ни помогнат да го пронајдеме нашиот кариерен пат. Мислам дека секој студент од инженерските науки треба прво да започне со пракса за да го пронајде она што му одговара, а потоа да бара соодветно вработување – рече таа.

Шопова смета дека секој студент од инженерство треба да почне прввин со пракса, а потоа да бара вработување.

-Зависи, некои компании прво сакаат студентите да ги примат на пракса, а потоа доколку студентите се истакнат, тогаш да ги вработат. Но, мислам дека секој студент од инженерство треба да почне прво со пракса, а потоа да бара вработување, затоа што не секогаш ние од факултетските клупи знаеме што сакаме да работиме и каде се пронаоѓаме – рече студентката Шопова.

Претставниците на компаниите исто така ја потврдија важноста на ваквиот тип соработка меѓу универзитетот и бизнис-секторот. Христо Казанџиски, претставник од компанијата „Микросам“ од Прилеп, посочи дека вратите за младите инженери се секогаш отворени.

-Има голем интерес кај студентите, пред сѐ за пракса, а потоа и за вработување. Нашата компанија ги поддржува ваквите настани и соработката со факултетот, бидејќи преку нив им нудиме можност на студентите да напредуваат и да ја градат својата иднина тука. Овие саеми мора да продолжат со уште поголем интензитет – рече тој.

Казанџиски нагласи дека овие саеми треба да продолжат со уште поголем интензитет, бидејќи, какмо што посочи, сепак ова е иднината за студентите, која поблиску му ја претставува преку компаниите кои се присутни на саеми.