Судијата Садула Изаири од Основниот суд во Тетово освои најмногу гласови на непосредните избори за член на Судскиот совет од редот на судиите – припадници на етничките заедници, кои се над 20 отсто во Македонија. За Изаири гласале 179 судии од вкупно 390 кои го искористиле правото на глас.
Во трката за место во Судскиот совет беа уште петмина кандидати: Африм Јакупи од Апелацискиот суд – Гостивар; Улбер Хасани, судија во Основниот граѓански суд во Скопје; Хасан Асани, судија и претседател на Основниот суд – Тетово; Џемали Саити, судија на Врховниот суд; и Шпреса Граинца-Османи, судија во Скопскиот кривичен суд.
Останатите кандидати имаа време од пет часа да поднесат жалби, кои ќе се разгледаат, по што резултатот станува конечен.
