Русија тврди дека постигнала договор со Украина и Црвениот крст за евакуација на жителите од областа Курск во западна Русија, чии делови се окупирани од Украина.
Луѓето кои моментално се наоѓаат во регионот Суми во Украина, откако побегнаа од борбите во Курск, може да бидат префрлени преку соседна Белорусија, а потоа во Русија.
Црвениот крст потврди дека дава поддршка само за евакуираните цивили во регионот Суми, но не потврди дека постои некаков договор.
Висок руски генерал минатата недела изјави дека руските сили зазеле повеќе од 800 квадратни километри територија од Украина во областа Курск, што претставува околу 64 отсто од вкупната територија што Украина ја зазеде откако Киев започна ненадејна офанзива минатото лето.
(МИА)
