Руските сили извршија нови напади со дронови врз источниот украински град Харков во текот на ноќта, насочени кон станбени области, соопшти денеска градоначалникот Ихор Терехов.
ДПА пренесува дека нема други дополнителни детали.
Нападот дојде само еден ден по рускиот ракетен напад врз градот во кој загина еден човек, а повредени беа најмалку 50 други.
И градот Запорожје ноќеска бил погоден од руски дрон. Регионалниот гувернер Иван Федоров го пријави нападот на Телеграм, велејќи дека избувнал пожар и оти интервенирале службите за итни случаи.
