Русија и Украина денеска ќе разменат по 175 затвореници, објави Кремљ по разговорите меѓу рускиот претседател Владимир Путин и претседателот на Соединетите Американски Држави, Доналд Трамп.
Како „гест на добра волја“, Русија ќе ослободи и 23 ранети украински војници кои се задржани во руски медицински установи.
Белата куќа од своја страна објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање на конфликтот ќе започнат „веднаш“.
Украинскиот претседател Володимир Зеленски денеска во Хелсинки изјави дека планира да разговара со американскиот претседател Доналд Трамп подоцна во текот на денот.
Тој истакна дека Украина е подготвена да испрати делегација во САД за да разговара за прекин на огнот, наведувајќи дека војната не може да заврши без учество на Украина во преговорите.
