Американскиот државен секретар Марко Рубио изјави дека Вашингтон го отфрлил планот на францускиот претседател Емануел Макрон за признавање на палестинска држава, нарекувајќи го планот „непромислена одлука“.
„Оваа непромислена одлука служи само за пропаганда на Хамас и го уназадува мирот“, напиша Рубио на социјалната мрежа Икс.
Планот на Франција да ја признае палестинска држава на Генералното собрание на ОН во Њујорк во септември го објави Макрон, предизвикувајќи жестоки критики од Израел и задоволство кај Палестинците.
