Патниците на летот на авио-компанијата „Делта“ беа евакуирани поради пожар, кој избувна на моторот на авионот, додека тој стоел на пистата на меѓународниот аеродром – Орландо, во Флорида.
На снимките, објавени на социјалните мрежи, се гледа чад и пламен како излегуваат од десниот мотор, додека патниците го напуштаат леталото преку тобоганите. Во авионот, Ербас А330, имало 282 патници, 10 членови на кабинскиот екипаж и двајца пилоти. Авионот требал да полета од Орландо кон Атланта. Од аеродромот соопштија дека нема повредени и дека противпожарните екипи брзо интервентирале.
