Раководството на Македонска пошта ќе го тужи претседателот на Сојузот на синдикати заради лажни изјави во врска со платите на вработените во оваа компанија. Откако првиот човек на ССМ се појави на протестот на дел од вработените со тврдење дека тие биле оставени без плата за празниците, односно најтешкиот месец од годината, раководството на Пошта остро реагира дека станува збор за лаги и манипулации. Тврдат дека проблем нема бидејќи парите за плати биле обезбедени за сите вработени.
„Не ни беше јасно зошто претседателот на сојузот на синдикати и во кое својство даваше изјава која што е апсолутно невистинита, дека ние не сме дале на луѓево плата за време на празниците, дека сме ги оставиле без пари. Вработените занаат дека си добија плата за време на празниците, вработените знаат дека регресот е исплатен редовно како и на сите компании и тоа дека сме ги оставиле за празнициве без пари 2000 вработени не е точно. Али тоа ние како компанија ќе си превземеме правни мерки против Трендафиловски за таа изјава бидејќи е апсолутно неточна.“- вели Николчо Угринов, заменик генерален директор на Македонска пошта.
Од Македонска Пошта уверуваат дека платите и регресот редовно се исплаќаат. За ова уште вчера го информирале синдикатот, кој сепак и денеска продолжи со протестот. Во ваквата стратегија пепознаваат исклучиво политичка позадина. Дел од вработените пак кои и денеска излегоа на протест и прекинаа со работа порачаа дека ќе протестираат и натаму доколку во иднина има проблеми со платите.
Раководството тврди дека парите за плати и приодонеси повеќе не се проблем, но се уште е сериозен предизвик да се средат наследените лоши состојби кои се оставени во наследство од минатата власт. Добро е велат што во целиот процес имаат поддршка и од Владата.
„Компанијата е потоната испод дно работиме на подобрување на ситуацијата што е ептен лоша, имаме подршка од вицепремиерот Александар Николовски и од премиерот. Пошта да биде сервис на граЃАните и да биде уредена во секој поглед, ни набавија нов возен парк, ние се потрудивме да склучиме договори за да ги сервисираме редовно платите и да ги покачиме и да инвестираме и да враќаме долговикои што ги затекнавме, за 2-3 месеци нема да збориме веќе за овој проблем.“- вели Николчо Угринов.
Македонска пошта се консолидира откако во годините владеење на претходната власт беше цеосно запоставена и буквално оставена да пропаѓа. Целиот овој период го искористија низа приватни субјекти кои ќaруваат од ваквата состојба. Наскоро тоа треба целосно да се промени преку новата стратегија, која предидува и законски измени во оваа дејност.