Едно лице повредено од огнено оружје попладнево е пренесено во Градската општа болница „Св. Наум Охридски“ во Скопје.
Според информациите од Министерството за внатрешни работи, инцидентот се случил на влезот во селото Моране.
– Денеска, во 15:15 часот, во СВР Скопје било пријавено пукање со огнено оружје на влез во селото Моране, при што едно лице било повредено и пренесено во ГОБ „Св. Наум Охридски“ за медицинска помош. По пријавата, полициски службеници од СВР Скопје веднаш се упатени на местото на настанот и се превземаат мерки за пронаоѓање на сторителите и расчистување на случајот, информираат од МВР.
