Илјадници луѓе учествуваа на протестите против претседателот Доналд Трамп и Илон Маск во 50 американски држави и ширум светот. Протестите беа организирани од про-демократско движење како одговор на, како што го нарекуваат „непријателско преземање“ и напад на американските права и слободи.
Повеќе од 1.400 протести беа одржани под името (Хендс оф) – „рацете подалеку!“ пред федералните згради, штабовите на социјалните служби, во парковите и градските сали – секаде каде, како што велат организаторите, би можеле да го „кренат гласот“. Движењето бара „крај на моќта на милијардерите над државата“. Ова беа најголемите протести откако Трамп повторно ја презеде функцијата во јануари оваа година.
Демонстрантите се собраа да го изразат своето противење на различните аспекти на политиките на Трамп, вклучително и наметнувањето високи тарифи, ограничувањето на правата на трансродовите лица, депортирањето имигранти, ограничувањето на правата за абортус и плановите за намалување на социјалното осигурување и здравствената заштита за ветераните. Тие го критикуваа и влијанието на моќните елити и недостигот на транспарентност во финансирањето на политичките кампањи.
Еден од најголемите собири се одржа во националниот трговски центар во вашингтон, каде според проценките на организаторите се собраа над 100.000 луѓе.
