Продолжува хаосот со претпријатијата на Град Скопје и менаџирањето на Арсовска – овојпат на грбот на вработените во „Флораком“ и „Луна“, фирми ќерки на „Паркови и зеленило“. 62 вработените се револтирани што работат без плата и придонеси.. Денеска чашата се прели – па работниците ја блокираа раскрсницата на булеварот „Илинденска“ и влезот во претпријатието.
„И повторно наидуваме на еден ингорнатнски однос и покрај тоа што од страна на советот на град скопје пред 10 дена беа излгасани субвенции во висина од 80 милиони денари,. Очекуваме дека со тие пари ќе бидат исплатени овие две плати, о за жал вработените останаа без плата. Недомаќинското работање на директоот доведе да бидеме на улица“, изјави Стојанче Кашиковски – Претседателот на Синдикатот на работниците од угостителството, туризмот, комунално-станбеното стопанство, занаетчиството и заштитните друштва (СУТКОЗ).
Кашиковски објасни дека градот има префрлено пари, но платите и надоместоците заглавуваат некаде помеѓу канцелариите на „Паркови и зеленило“ и градската каса. Алфа го побара директорот на Паркови и зеленило, Јетон Бучи, но, тој не беше достапен за одговор. Молк и од град Скопје.
„Од страна на раководоството кога го одржавме минатиот протест поради истиот проблем беше ветено дека платата ќе се иплаќа во истиот термин кога ќе земат плата и паркови и зеленило, за жал сведоци сте дека тоа не се случи вработенитеи се оставени без плата и здравствено осигурување “, изјави Стојанче Кашиковски – Претседателот на Синдикатот на работниците од угостителството, туризмот, комунално-станбеното стопанство, занаетчиството и заштитните друштва (СУТКОЗ).
Ако до понеделник нема исплата на платите вработните од „Флораком“ и „Луна“, најавија нови протести и блокирање на Илинденска од 10 до 13 часот.
