Просечната плата пораснала за 7.6% за една година. Најновите податоци на Државната статистика покажуваат дека таа во декември достигнала 46.889 денари или нешто над 760 евра.
Најголеми примаања имаат програмерите кои во просек заработуваат по 1.400 евра месечно, потоа во секторите финансиски дејности нешто над 1.060 евра и рударство и вадење камен над 970 евра.
Најниски плати има во угостителството, нешто под 540 евра, а потоа комуналните дејности и земјоделство и шумарство со по околу 590 евра.
За една година најмногу порансале платите во секторот транспорт за над 13%, а потоа во трговијата и образованието за по околу 10%.
Новата просечна плата која е поголема за 7.6% дополнително ќе го зголеми минималецот наредниот месец зашто учествува со 50% во пресметката. Останатиите 50% се трошоците на живот кои за една година пораснале за 3.2%.
Од друга страна пресметките на Сојузот на синдикати покажуваат поголем раст на цените од она што го мери Државната статистика.
Нивната најновна пресметка на потрошувачката кошничка покажува дека за едно едно четиричлено семејство да го помине месец јнауари биле потребени се 67.382 денари или дури 900 денари повеќе од декември.
Доколку се вкрстат податоците од заводот за статистика и синдикатот, двајца вработени со просечна плата во четиричлено семејство можат да го истуркаат месецот и при тоа да заштедат околу 400 евра, доколку живеат во сопствен дом.
