Согласно податоците за движењето на цените на берзата HUPX во Унгарија денеска просечната часовна цена на еден мегават час електрична енергија (baseload) изнесува 132,63 евра за мегаватчас, додека на Македонската берза за електрична енергија цената е 124,35 евра за мегаватчас.
– Цената на електричната енергија во текот на дневните часови (9:00 – 15:00) (Power solar peak) на HUPX постигна ниво од 93,87 евра за мегават час, а на MEMO 97,34 евра. Цената на природниот гас пак на унгарската берза CEEGEX изнесува 35,31 евра, додека цена според индексот на холандската берза, TTF Dutch е 31,86 евра, стои во информацијата од компанијата за снабдување со електрична енергија ЕДС.
Оттаму истакнуваат дека имајќи ја предвид актуелната состојба на енергетскиот пазар во Европа и светот важно е да се подигне свесноста за домаќинско трошење на електричната енергија, како и редовно подмирување на сметките за електрична енергија со цел да се зачува стабилноста во снабдувањето.
– Информациите за движењето на цената на електрична енергија и на природниот гас може да помогнат во попрецизно планирање на буџетите за потрошувачката електрична енергија, да се заштеди на сметките за струја, како и компаниите да носат информирани деловни одлуки со кои што ќе ги намалат своите трошоци и поуспешно ќе ги реализираат своите бизнис планови, се вели во соопштението.
ЕДС напоменува дека податоците од МЕМО се со почетен датум од 10 мај 2023 година, а податоците за TTF Dutch Day-Ahead производот се презентирани почнувајќи од 1 јули 2023 година.
