Нова временска рамка кога е извршено кривичното дело, намалена листа на сведоци, измешани докази. Пропусти на Обвинителството направија хаос на судењето за пожарот во дискотеката „Пулс“. Половина од адвокатите приговараа на интегрираното обвинение и хаосот од докази на обвинителството. Тврдат со спојувањето на постапката за Александар Нацев и агенцијата за обезбедување „Рубикон“ обвинението е ново и опфаќа друг временки период. Побараа обвинението да оди на оценка. Бидејќи обвинетите воошто не го примиле тие не можеа ниту да се изјаснат за вината. Половина од адвокатит на 35-те обвинети реагираа и на како што велат измешаните и несредените докази на обвинителството.
Судијката Дијана Груевска Илиевска не прифати дека станува збор за ново обвинение, но се согласи со адвокатите дека обвинетите го немаат примено документот и неможат да се изјаснат за вина, па судењето го продолжи со сослушување на оштетените.
Пред да почне судењето родителите и семејства на загинатите во пожарот беа оптимисти за исходот и брзината на судскиот пеоцес. Дел од нив, се задоволни и од начинот на кој судијката го води проесот. Тие очекуваат правда за нивните загинати деца.
Откако заврши ссудењето ескалира ситуацијата надвор со родителите и адвокатие од Кочани. Мајките и татковците на настраданите им се пуштија на адвокатите од нивнот роден град и бараа одговори од нив, зошто токму тие се нафатиле да ги бранат обвинетите.
Судењето наместо утре ќе продолжи на 2 декември. Дотогаш обвинетите ќе го имаат споеното обвинеие и ќе можат да се ијанат за вината. Во предметот се опфатени 35 луѓе и 3 фирми, сите се обвинети за тешки дела против општата сигурност. За ова дело, пропишаната казна затвор е од 3 до 20 години.
