Косовското собрание ниту во 21 обид не е конституирано, бидејќи денеска немаше кворум за гласање за комисијата за тајно гласање. На денешната седница беа присутни 90 пратеници, а 53 гласаа „за“ и еден „против“.
Во последните 12 обиди, седницата не успеа по истата точка – предлогот на претседавачот Авни Дехари да се премине од отворено на тајно гласање за избор на претседател на собранието.
Победничката партија на изборите одржани на 9 февруари, движењето Самоопределување, ја предложи Албулена Хаџиу за претседателка на собранието. Но таа досега не обезбеди доволно гласови, ниту по пат на јавно, ниту тајно гласање. Следната седница е закажана на 27 мај.
