Републичкиот совет за безбедност на сообраќајот на патиштата (РСБСП) денеска ќе ја промовира Националната стратегија за безбедност во сообраќајот на патиштата 2026 – 2030. На промоцијата ќе се обрати министерката за образование и наука Весна Јаневска.
На настанот ќе бидат презентирани главните стратешки приоритети на стратегијата, акцискиот план за нејзина реализација и постигнување на определените цели.
-Овој стратешки документ ги дефинира клучните чекори, мерки и цели за унапредување на безбедноста на сообраќајот на патиштата и зачувување на човечките животи, соопшти Републичкиот совет за безбедност на сообраќајот на патиштата.
