Продолжување на ефективниот и куќниот притвор за сите осомничени во истрагата за пожарот во коњанското кабаре „Пулс“ – побара Основното јавно обвинителство Кочани. Оттаму денеска ги доставиле предлозите до Основниот суд во Кочани. Само за тројца осомничени, согласно фазата на обезбедување докази и исполнивоста на законските основи се предлага замена за мерката притвор во куќен притвор. Тоа се двајца осомничени од Државниот пазарен инспекторат и еден припадник на обезбедувањето на дискотеката. Поранешниот министер Крешник Бектеши останува во затворот во Шутка.
Во исто време, продолжуваат истражните дејства во повеќе правци и во неколку институции со цел испитување на евентуална одговорност, за што јавноста ќе биде известена веднаш по донесувањето на соодветна јавнообвинителска одлука.
