Градиме трговски центар со забавен парк. Нова димензија на животот во Прилеп. Прилеп заслужува нова енергија и нови можности, објави Дејан Проданоски кандидатот за градоначалник на ВМРО ДПМНЕ за Прилеп.
Денес, најавувам проект што ќе внесе свеж дух во нашиот град. Изградба на современ трговски центар со забавен парк и паркинг простор во индустриската зона Металец. Ова е нешто што Прилеп до сега го немал. Место каде што ќе се сретнат бизнисот, забавата и семејниот живот
Со овој проект создаваме нови инвестиции, нови работи места и нови можности за граѓаните и локалниот бизнис. Паралелно ќе ја реконструираме улицата Александар Македонски која води кон зоната Металец.
Со тоа ќе обезбедиме модерен пристап и подобра инфраструктура за сите што живеат и работат во овој дел од градот.
Ќе работиме кон рамномерен развој на сите делови од Прилеп. Подобри услови за стопанството и поквалитетен живот за секој граѓанин.
Овој проект е само дел од мозаикот на една нова слика за Прилеп. Град што расте инвестира и создава иднина. Одличен проект за Прилеп, одличен проект за иднината што ја заслужуваме.
