Приватни гинеколози и акушери бараат јасно дефинирање на здравствените услуги

Здружението на приватни гинеколози и акушери бара јасни и институционално уредени правила за тоа кои услуги и во кој обем се покриени преку државната квота. Реакцијата доаѓа по изјавата на директорот на Фондот за здравство, Клековски, дека кај половина од матичните гинеколози биле утврдени неправилности, односно наплата за услуги кои требало да бидат бесплатни. Од здружението посочуваат дека ваквите состојби се резултат на нејасни одредби во договорите со Фондот.