Пресудите против контроверзниот Рамиз Мерко за набавката на луксузниот возен парк и незаконското поставување директори во струшките училишта, половина година фаќаат прашина во битолска апелација. Струшкото јавно обвинителство ги обжали сите до сега изречени пресуди и бараше ефективна казна затвор.Од Апелациониот суд во Битола признаваат дека пресудите воопшто не се разгледани.
Апелационен суд Битола:” Ве известуваме дека предметите се примени во нашиот суд во август и октомври 2025-та и истите сеуште не се решени”
За незаконското поставување на директори во 5 училишта Мерко помина со парична казна од 12.500 евра и една условна казна. Тој куртули од затвор,струшкиот основен суд го ослободиод винаиза набавката на луксузните автомобили во вредни околу 114.000 евра.
“ Предметите се во Апелациониот суд Битола и сеуште се чека одлука по жалба.Доколку тие сметаат дека имало некоја повреда на постапката,тогаш предметот би се вратил на повторно судење.Доколку сметаат дека е нешто во однос на санкцијата,тогаш претпоставувам дека би се преиначиле а можат и да се потврдат.Меѓутоа додека не добиеме одлука тоа може само да се шпекулира” -вели Јордан Јованов,судија
По серијата скандали,кривични пријави и обвиненија кои се редат против него,екс градоначник кој се најде за црната листа на САД за корупција и мешање во судски процеси,до сега се соочи со 10 обвиненија.Но тој е еден од 5-мината против кои МВР поднесе кривична пријава за рушење на спомен куќата на Владо Малевски. Кој ќе седне на обвинителна клупа, засега е неизвесно. Од ОЈО без детали,само потврдуваат дека е оформен предмет за афтентичниот објект од 19 век, кој беше срамно срушен.
ОЈО: “Основното јавно обвинителство Струга издаде повеќе наредби за проверка ,вклучително и соодветно вештачење.Обвинителството продолжува да обезбедува докази ,по што ќе биде донесена јавнообвинителска одлука “
Инаку Мерко се товари и за незаконско поставување на скандалозното обележје со кое се велича фашистичката окупација на Струга,a беше поставено на општинската зграда.На24 декември ќе седне на обвинителна клупа,кривично ќе одговара и за осветлувањето кое го постави на речното корито на реката Дрим.Мерко е и еден од обвинетите за бесправно градење на објект во еден струшки хотел.Судскот процес за овој случај кој се води во битолскиот основен суд,никако да почне.
