Култната претстава „Чичко Кумплунг“ се враќа на театарската сцена. Вчеравечер, во НУЦК „Трајко Прокопиев“ во Куманово, премиерно беше изведена претставата „Чичко Кумплунг“, работена според пиесата „Прирачник за самоуништување“ од Сашко Насев, во режија на Јани Бојаџи.
Оваа сатирична црна комедија носи нова обработка на еден од најпрепознатливите ликови од македонскиот филм и преку хумор и сарказам ги прикажува општествените аномалии и човечките слабости во обидот да се преживее во нестабилен систем.
На премиерата присуствуваше и министерот за култура и туризам, кој ја нагласи потребата и важноста на македонската драматургија на националната театарска сцена.
Следната изведба на претставата „Чичко Кумплунг“ ќе се одржи на 15 мај во НУЦК „Трајко Прокопиев“ – Куманово.
Ирена Спировска
