Македонија да го зачува, унапреди и да продолжи да вложува во образованието, културата и знаењето. Граѓаните одново да ги научат доблестите коишто ја одржуваат заедницата. Македонските политичари по повод државниот празик Свети Климент Охридски упатија честитки до граѓаните со силни пораки за државен просперитет, сплотеност и истрајност до вистинскиот пат за подобра Македонија.
Шефицата на државата Гордана Сиљановска во својата честитка вели дека преку владеење на правото и борбата против корупцијата како и заемна грижа да треба да ја направиме Македонија пристојно, праведно и достоинствено место за живеење.
Собранискиот спикер Африм Гашивели дека наследството на Свети Клиемент е универзална вредност што ги надминува верските и етничките граници и е симбол на знаењето, мудроста и напредокот.
Овој ден нѐ потсетува дека вложувањето во образованието, културата и знаењето е најсилниот столб врз кој се гради стабилна, праведна и демократска држава. Во тие вредности ја препознаваме заедничката цел – силно, обединето и перспективно општество за сите граѓани, вели Африм Гаши, претседател на Собрание.
Премиерот на државата Христијан Мицкоски вели дека Климент со својот пример ни покажува дека преку образование се гради и зајакнува иднината на народот.
Овој ден не потсетува на важноста да го зачуваме и унапредуваме она што ни е оставено како највредно наследство јазикот и писменоста. Да продолжиме да градиме силно општество преку вложување во младите, во знаењето и во културното богатство што не обединува, вели Христијан Мицкоски, премиер.
И претседателот на СДСМ, Венко Филипче го честиташе државниот празник. Според него, влогот и упорноста на овој светец да ја шири писменоста и во време на прогонства, се потсетник дека силата на еден народ лежи во неговата писменост, култура и образование.
Наследството на Свети Климент Охридски нè потсетува дека истрајноста е решение за секој предизвик и патоказ кон напредок. Ние ја продолживме светиклиментовата мисија, и денес македонскиот јазик е еден од официјалните јазици во светот, рамноправен со јазиците на земјите членки на ЕУ, во НАТО и во ОН, вели Венко Филипче, претседател на СДСМ.
Овој ден е ден посветен на просветата, образованието и културата. Македонците го слават не само како светец туку и како симбол на македонската писменост и духовност. На овој ден, многу училишта, цркви и институции организираат свечености во чест на неговиот придонес за културниот развој на народот.
Пред споменикот на Свети Климент во дворот на Националната и универзитетска библиотека што го носи неговото име, свежо цвеќе положи владина делегација, пратеници како и делегација од Град Скопје.
