Националната установа Универзитетска библиотека „Св. Климент Охридски“-Битола, во изложбениот салон на библиотеката промовира празнична изложба на документи и фотографии посветени на 11. Октомври, Денот на народното востание на македонскиот народ.
Посетителите и читателите, членови на библиотеката може да погледнат документи од Президиумот на Народното Собрание на Македонија, меѓу кои Законот за прогласување на денот на народното востание во Македонија за државен и народен празник, донесен во 1945 година, лично потпишан од Методија Андов Ченто, потоа фотографии од споменици кои го величаат настанот меѓу кои споменикот на народниот херој Стив Наумов, споменица на саат култата во Битола, споменик на жената борец во Тетово, партизанска споменица во Марков Манастир во близината на Скопје, статуа на Чеде Филиповски Даме во Гостивар, фотографија од Мице Козаровски и Трајко Бошковски Тарцан, првоборци убиени од фашистичкиот окупатор во 1943 година и други.
11 Октомври 1941 – Денот на народното востание на македонскиот народ е симбол на македонската борба за слобода и затоа денес ја славиме пожртвуваноста и решителноста на македонскиот народ за слобода и за создавање на самостојна, суверена и независна држава, посочија од НУ Универзитетска библиотека „Св. Климент Охридски“ Битола.
