Реклама

УГД ги суспендираше двајцата вработени осомничени за манипулации со студентските досиеја

АХВ прифати дел од барањата на ветеринарите

Фабриката „АСП – ПАК“ отвори нов погон во Охрид со целосно роботизирана производна линија.

Ќе и се суди во отсуство: Кочанскиот суд одби да прави циркуз од судењето на „медиумската ѕвезда“ Ива Михаилова

Инфлацијата во рамки на проекциите, во октомври 3,3%

Бензините поевтинуваат за 7 денари, дизелот за 5,5 денари за литар

Мицкоски:„Алта банка Битола“ нема да оди во стечај, наскоро ќе има аукција

Охрид сè уште без современа автобуска станица, се бара ново решение на локација на компанијата „Галеб“

Воскреснување на МЖ Транспорт: Преполовени долгови и нови инвестиции во македонската железница

Кралската гробница кај Бонче: сведоштво за античкото минато со огромен потенцијал

По две години заврши конзервацијата на 20 украдени македонски икони

Дом за младите без трошоци за комуналии – по Град Скопје и повеќето скопски општини подготвени да излезат во пресрет

Македонија

Повеќе скопски општини без струја и вода поради плански зафати

Повеќе скопски општини денеска ќе се соочат со прекини во електричната енергија…

Сподели:
Фото: Алфа Вести

Повеќе скопски општини денеска ќе се соочат со прекини во електричната енергија и водоснабдувањето поради зафати на ЕВН Македонија и ЈП „Водовод и канализација“ – Скопје. Дел од населението во Петровец, Студеничани, Сопиште, Ѓорче Петров и Кисела Вода ќе остане без струја во различни термини, додека неколку улици во Карпош и Кисела Вода ќе имаат прекин на водоснабдувањето поради интервенции на мрежата. Двете јавни претпријатија најавуваат дека се работи за плански активности и санации, кои треба да завршат во текот на денот.

Поради зафати во електродистрибутивната мрежа, утре делови од повеќе општини ќе останат без електрична енергија во различни временски периоди. Без струја од 8 до 14 часот ќе биде дел од селото Ќојлија во општина Петровец. Во општина Студеничани, од 8.30 до 9.30 часот прекин ќе имаат корисниците од селата Драчевица и Цветово, додека во општина Сопиште, од 8.55 до 9.55 часот, без електрична енергија ќе останат жителите на Горно Соње, Долно Соње, Чифлик и Света Петка. Од 9 до 14 часот прекин е најавен и за дел од улицата „Веле Марков“ во општина Ѓорче Петров, а од 12.30 до 14.30 часот струја ќе немаат и корисниците на делови од улиците „Димо Хаџидимов“ и „Христо Татарчев“ во општина Кисела Вода.

Од ЈП „Водовод и канализација“ – Скопје известуваат дека истиот ден ќе има и прекини во водоснабдувањето поради интервенции на водоводната мрежа. Поради дефект на цевковод со пречник од сто милиметри на улицата „Нобелова“ кај крстосницата со улицата „Хелсинки“, од 9 часот до завршување на работите без вода ќе бидат корисниците на „Нобелова“, „Виенска’, како и делови од улиците „Хелсинки“ и „Лондонска“ во општина Карпош. Дополнително, поради изведување приклучок на водоводната мрежа на улицата „Жил Верн“ број 10, од 10 часот до завршување на интервенцијата, прекин во водоснабдувањето ќе имаат жителите на улиците „Жил Верн“ и „Есенинова“ во општина Кисела Вода.