Нова фабрика за производство на барут ќе се отвора во Македонија. Инвестицијата доаѓа како резултат на меморандумот кој го потпишаа
АТС Груп – единствената македонска компанија од одбранбената индустрија со МКЕ – најголема државна компанија од индустријата на Турција.
Меморандумот предвидува заеднички инвестиции на двете страни кои ќе отворат работни места ќе ги поттикнат активностите на двете компании со што се очекува да се зголеми нивното присуство на меѓународниот пазар. Меморандумот предвидува размена на искуства и технологии помеѓу двете држави, а
партнерството на двете компании е од големо значење за Македонија како членка на НАТО.
Ова дополнително ќе ги зајакне односите помеѓу Македонија и Турција.
На настанот присуствуваа министрите за одбрана и за надворешни работи и надворешна трговија, Владо Мисајловски и Тимчо Муцунски, како и заменик-министерот за национална одбрана на Турција, Хеибет Муса.
