Подобрување на односите со соседите преку културна и научна соработка, посебно министерство за високо образование и наука, измени на Законот за МАНУ, подобра имплементација на реформите во судството како и обединување на клиниките во еден универзален клинички центар. Ова се дел од реформите кои ги предложи првиот човек на МАНУ кои би требало да бидат приоритет на државата, а со нив очекува решавање на тешкотиите во процесот на преговорите со Европската Унија.
„Европскиот пат е наша единствена правна и реална опција бидејќи пред се ние сме европејци и исто така иЕУ е свесна дека европскиот континент никогаш нема да биде комплетен без западен балкан и затоа во овие геостратегиски и воено политички околности на европскиот континент и на глобално ниво, проширувањето на ЕУ повторно станува приоритет кои не смееме да го пропуштиме.“
Првиот академик посочи и дека македонскиот јазик е единствениот национален јазик во Европа без свои национални колекции на јазични податоци. Алармира- тие се неопходни за развој на голем број поддисциплини во лингвистиката.
Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. Потребно е и воспоставувањето на правилна употреба на македонскиот јазик како официјален јазик за меѓусебно разбирање на сите граѓани на државата, согласно со општоприфатените меѓународни прописи во светот и во ЕУ.
Ману го одржа 59тото годишно собрание на кој беа истакнати предизвиците и успесите за изминатата 2025 година како и проектите кои треба да се реализираат во текот на 2026 година. Институтот денес претставува столб на градењето на македонскиот идентитет, јазикот и историјата на македонскиот народ.
