Собранискиот претседател Африм Гаши попладнево информира дека во рамкитена официјалната посета на Кралството Саудиска Арабија остварил средба со претседателот на Советот на Шурата, Абдулах бин Мохамед Ал-Шеик.
– Разговаравме за продлабочување на парламентарната и билатералната соработка, како и за можностите за поголема економска соработка и саудиски инвестиции во Северна Македонија. Ја истакнав и нашата заинтересираност за активно учество на „Експо 2030“ во Ријад, како и значењето на редовниот политички дијалог и конкретната соработка меѓу двете земји. Уверен сум дека оваа посета ќе даде дополнителен импулс на односите меѓу Северна Македонија и Саудиска Арабија – напиша Гаши на „Фејсбук“.
За време на официјалната посета на Кралството Саудиска Арабија, Гаши присуствувал на седница на Советот на Шурата по што имало можност да ги посетат и просториите на оваа иснтитуција.
– Посетата беше можност одблиску да се запознаам со функционирањето на оваа значајна институција и со нејзината улога во парламентарниот и институционалниот систем на Саудиска Арабија – додаде Гаши на „Фејсбук“.
