Јавното претпријатије хидросистем „Стрежево“ денеска ја почна сезоната за наводнување на земјоделските површини во Пелагонија.
Корисниците кои користат вода од вештачката акумулација „Стрежево“, како што велат оттаму, од денеска непречено и навремено ќе се снабдуваат со вода.
-Во тек е полнењето на цевководната мрежа и подготовката на системот за непречено и навремено снабдување со вода. Ги повикуваме граѓаните кои имаат потреба од наводнување навремено да ги пријават површините што ќе ги користат и да склучат договори за наводнување, со цел ефикасно планирање и организирање на распределбата на водата. Навременото пријавување и склучување на договорите ќе придонесат за подобра координација на системот и поквалитетна услуга за сите корисници, соопшти ЈП Хидросистем „Стрежево“-Битола.
