Тројца полициски службеници седнаа на обвинителна клупа за пожарот во кочанското кабаре „Пулс“, кои Обвинителството ги товари за злоупотреба на службената положба во врска со пожарот во дискотеката „Пулс“. Според Обвинителството, тие во 2023 и во 2024 година спровеле акциски контроли за откривање прекршоци за јавен ред и мир во кочанското кабаре.
Во контролите пронашле и малолетници во дискотеката, но наместо името на фирмата го навеле старото име и така сопственикот Јованов избегнал да плаќа казни. За овие прекршувања на законот обвинетите се Кире Богатинов, Горан Лазаров и Александар Темелков.
Наскоро во скопскиот Кривичен суд ќе почне и главната расправа за уште два предмети кои исто така се однесуваат за полициските службеници кои не постапувале согласно законите за кочанската дискотека. На обвинителна клупа ќе седнат вкупно 20 полициски службеници.
