За неколку месеци од сега од Македонија ќе се извезуваат елементи за бела техника. Стартуваше изградбата на турската Шахтерм во ТИРЗ Скопје. Планот е да се инвестира во 2 фази. Првата фаза предвидува инвестиција од 25 милиони евра и 200 вработувања, а вкупно вредноста треба да достигне 50 милиони и 500 вработувања. Според инвеститорите Македонија со својата стратешка положба и условите кои ги нуди ја прави посакува дестинација за водење бизнис.Ова е прв производствен капацитет на „Шахтерм“ надвор од Турција.
Вакватa инвестиција е доказ дека Македонија ја подобрила бизнис климата и ја враќа довербата на инвеститорите. Потврда за тоа се и бројките: Забележан е раст на индустриското производство, пад на инфлацијата, раст на кредитната активност кај бизнисисте, а лани инвестициите достигнаа рекордни милијарда и двесте илјади евра.
Доаѓањето на турската компанија во Македонија е и потврда за добрите односи помеѓу Македонија и Турција, и е основа за зголемување на соработката во иднина. Трговската размена помеѓу двете држави изнесува една милијарда, а заложбите се да се зголеми двојно.
Со повеќе од четири децении искуство, „Шахтерм“ е меѓу водечките пет светски компании за производство на системи за греење наменети за бела техника и апарати за домаќинство.
60 отсто од производството турски шахтерм го извезува на пет континенти. Листата на клиенти на компанијата е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.
