Со кревање на фестивалското знаме, почна четириесеттото јубилејно издание на Фестивалот за забавни мелодии„ Макфест„. Оваа година, македонската забавна сцена, ќе биде збогатена со нови 27композиции. Фестивалот кој со децении претставува симбол на Штип и оваа година ја продолжува традицијата на негување на домашната музика. ,
„Макфест е една успешна приказна, потврдена. Четири децении не е шала. Јас како што знам само Евровизија, подолго трае од Макфест. Се продуцирани и објавени над 1200 композиции, 27 се нови вечерва Меѓутоа, тоа се стотици и стотици хитови , на коишто сите добро ни се познати„ изјави Роберт Саздов, директор на Фестивалот Макфест.
Макфест ќе пулсира во три вечери. Во првите две ќе настапат познати македонски естрадни имиња и дебитанти, додека третата вечер ќе биде резервирана за најголемите шлагери што некогаш биле отпеани на фестивалот.
„На третата вечер, ќе имаме можност да се потсетиме на хитовите и победниците коишто произлегле од фестивалот од самото негово постоење„ изјави, Александар Арсовски, продуцент на фестивалот, од Општина Штип.
Макфест не е само музички настан, туку е дел од културниот идентитет на градот. Со својата долга традиција тој го промовира Штип, како центар на македонската забавна музика, порача градоначалникот Иван Јорданов.
„Мојата желба е Општина Штип, да продолжи заедно со сите добронамерници, заедно со Министерството за култура, да го развива овој македонски бренд, затоа што преку Макфест, се поддржува македонската уметност и македонската култура„ изјави Иван Јорданов, градончалник на Штип.
Фестивалот финансиски е поддржан од Општина Штип, Министерството за култура и општествено-одговорни компании.
