Инфлацијата продолжува да забавува. На годинишно ново, инфлацијата за само еден месец од 4,4 отсто сега изнесува рамно 4 проценти. Добрат вест што ја објави стастистика трошоците на живот во септември во однос на август се намалени за 0,2 проценти. Ова покажува дека трендот забавува односно се случува стабилизација. Анализите покажуваат дека на инфлацијата најмногу влијаат цените на алкохолот, цигарите и наркотиците кај кои има зголемување од 2,8 отсто. Потоа следуваат комуникациите со 1,8 отсто, мебел, покуќнина и одржување на домаќинствата кои поскапеле 0.8 %, Здравје за 0.4 % и Домување, вода, електрика, гас и други горива за 0.3 %.
Охрабрува податокот дека во септември се намалиле трошоците во делот на транспортот, рестораните и хотелите, како и храната и пијалоците.
- „Намалувањето на инфл цацијата во септември 2025 година, во однос на август 2025 година, е резултат на намалувањето на трошоците на животот во следните групи: Транспорт за 3.3 %, Ресторани и хотели за 1.3 %, Рекреација и култура за 0.7 %, Облека и обувки за 0.3 %, Разновидни стоки и услуги за 0.2 % и Храна и безалкохолни пијалаци за 0.1 %“ стои во извештајот на Државниот завод за статистика. .
Трошоците во групата Образование остануваат на исто ниво како и во претходниот месец. Цените пак на мало бележат пад од 0,7 отсто.
- „Индексот на цените на мало во септември 2025 година во однос на август 2025 година изнесува 99.3 “ стои во извештајот на Државниот завод за статистика.
Индексот на трошоците на животот во септември 2025 година, во однос на септември 2024 година, бележи зголемување од 4.0 %, а индексот на цените на мало бележи зголемување од 4.1 %.
Стабилизацијата на цените и враќање на инфлацијата во нормални рамки почна пред извесен период. На годишна основа, инфлацијата од јули кога беше 4,8 проценти, падна на 4,4 отсто, а сега изнесува 4 проценти. Очекувањата на Владата овој тренд да продолжи.
