СДСМ молчи на пратенички прашања за Груби, хистеријата и стравот од одговорност ги направи заложници на криминалот. Ниедно пратеничко прашање од страна на СДСМ кон членовите на Владата за Артан Груби.
А толку беа гласни изминативе три дена со измислување 10-ина тези за кои народот секако не им поверува – се посочува во соопштението од ВМРО-ДПМНЕ од денешната прес-конференција на Бране Петрушевски, пратеник на ВМРО-ДПМНЕ.
Но вистината, почитувани, полека но сигурно излегува на површина.
Стравот од можните искази на Артан Груби за криминалите на поранешната власт на СДСМ и ДУИ очигледно го притисна копчето за паника на „Бихаќска“.
Дури и потпретседателката на СДСМ, Јованка Тренчевска, отиде чекор понатаму посочувајќи дека за еден од случаите во кои се сомничи Груби за сторен криминал, кривични пријави треба да добијат и неговите колеги од тогашната влада.
Толку многу ли знае Груби што некои поранешни функционери би биле подготвени да се жртвуваат? Дали копчето за паника во СДСМ го притисна кланот Заеви? Дали стравот кај Вице и Зоран Заеви навистина толку е голем, па затоа СДСМ со Филипче на чело застана во одбрана? Затоа ли Спасовски, Филипче и Зечевиќ изгледаат видно вознемирени?
За криминалот, на крајот, има само еден одговор, а тоа е правдата.
