Пожарите се подметнуваат намерно, а СДСМ се сити и се обидува да печали политички поени, изјави Бране Петрушевски, пратеник на ВМРО-ДПМНЕ.
„На неколку локации каде се локализирани пожари и во Скопско и низ државата се забележани гуми кои се фрлани со цел да се распламти и разгори пожарот. На одредени места пронајдени се и ракавици, а пред два дена во Чучер Сандево и дрва потопени во бензин.
Очигледно е дека како еден пожар се гаси, друг некаде веднаш се пали.
Институциите на системот макотрпно работат и ги гасат и локализираат пожарите секој ден. Од друга страна некој во државата сака истата да ја пеплоса“, додаде Петрушевски.
„Според информациите кои ги имаме, а ги објавија и институциите, одредени лица се веќе под истрага, а едно лице е лишено и од слобода.
И додека институциите се борат да ја заштитат секоја педа земја, СДСМ тера политика и се обидува да ќари некој политички поен.
Чудна е поврзаноста на пожарите и брзината на СДСМ да изреагира.
Народот многу добро гледа СДСМ што прави, и за тоа следува казна на изборите“, изјави Бране Петрушевски.
