Поголеми пензии за шест илјади денари за сите. За помалку од две години станардот на највозрасните е значително подобрен. Токму затоа, тие се шокирани и гневни на најавите за можно укинување на линеарното покачување од страна на Уставниот суд. Велат, за прв пат по долго време навистина почуствувале дека живеат подобро.
Пензионерите со порака – замрзнете си ги вашите примања а не нашите. Прашуваат како може уставните судии да посегнуваат по приходите на речиси 350 илјади граѓани, а во исто време да не им бидат доста нивните плати кои надминуваат и две илјади евра.
Со измените на законот во 2024 и 2025 година, пензиите пораснаа за по 6.000 денари. Најниската сега е над 18.000 денари, просечната надминува 26.000, а има и такви чии примања надминуваат 80.000 денари.
