Осумнаесет патници се повредени откако по грешка се активирал противпожарен аларм во авион на „Рајанер“, што требало да полета од Палма де Мајорка за Манчестер. Алармот се огласил ноќеска додека авионот се подготвувал за полетување, што довело до итна евакуација.
Патниците, во паника, се обидувале да излезат надвор па скокале од вратата директно на пистата. Повредени се 18 лица, од кои шест завршиле во болница. Итните служби потврдиле дека примиле известување за можен пожар половина час по полноќ, но од „Рајанер“ дополнително информирале дека тоа бил само лажен аларм.
