Палестинското Министерство за внатрешни работи, управувано од Хамас, соопшти дека „домовите на граѓаните“ во градот Газа биле бомбардирани синоќа како дел од израелските напади.
Палестинската новинска агенција Вафа јавува дека „десетици“ цивили се убиени во нападите врз градот Газа и другите делови на Појасот.
ИДФ не ги коментираше палестинските наводи. Израел со недели ги предупредуваше луѓето да го напуштат градот Газа и северниот дел на Појасот, но илјадници останаа. Вчера локалните власти соопштија дека 600.000 луѓе сè уште живеат во „Газа и северните провинции“.
Министерството за здравство под контрола на Хамас соопшти дека над 10.300 Палестинци се убиени но се верува дека иан 2.300 тела на цивили се под урнатините од разорното бомбардирање.
Според нив најголем број од жртвите или две третини се жени и малолетни лица. Околу 70% од населението ги напуштија своите домови, а повеќе од 700.000 од нив спас побараа во училиштата на ОН кои се претворени во засолништа.
